ایشیق
ایشیق یئنه گؤزلرینین قاپاغینی آلازلادی، گؤزونو آچیب دوغرو باخدی، حیسس ائتدی ایندی جه گونشین ایتی باخیشی گؤزلرینی چیخاردار. گؤزونو یوموب اوتوردو، یاتماق زوروندا قاتلادیغی قیش لارینی اوزالتدی. الینی قویوب دیزلرینه مؤحكم سیخدی، دوشوندو قیش لاری شیشیب و ذرره- ذرره سیندن قان فیشقیریر، یاواشجا گؤزونو آچیب باخدی؛ نه قان واریدی نه شیشیب قارالمیشدی. آما آغری دوشلرینی قیریب داغیدیردی. زیمزیمه ائتدی:« اولمازدی بیراز بؤیوك دوزلسین بورا؟؟!..»
زامانی ایتیرمیشدی، بیلیردی دؤردونجو گون اؤزگور هاوانی كؤكسونه چكه بیلر، بو نئچه واختی بو اولایا آلیشمیشدی(عادت ائله میشدی)، آما بو ایتی ایشیق كی تئیخا باشینین اوستوندن ساچیر، هئچ زامان آلیشمالی دئییل. بو ایشیق اونا یول گؤسترن شفق لری خاطیرلادیر و یولونون داواملاماسینین گرك لی اولماسینی آنلادیر، آنجاق بو ایشیق او سئودییی، او آرادیغی گونشین شفقی دئییل. او سئودییی گونش دیل قوخویور، ائل قوخویور، ... اوچ گوندن بیر اییرمی دقیقه لیك اؤزگور هاوادا اوخودوغو ائل مارشنین قوخوسو گلیر او آرادیغی گونشدن... آما ایندی توستولو گؤزلوك گؤزونده ایشیقا دوغرو گئدیر، اوردا اولان هر كس اونون لا احتیرام لا داورانیر، هر كسین نه سوچودا وارسا او سئودیی گونش ائل سئون گونش دیر و اؤز ائلینی سئون هر زامان قالارقی اولار...
یازار: آی سو
:: برچسب‌ها:
ايشيق ,
گؤزلوك ,
ائل ,
دوش ,
گونش ,
,
:: بازدید از این مطلب : 502
|
امتیاز مطلب : 41
|
تعداد امتیازدهندگان : 9
|
مجموع امتیاز : 9
عضو شوید
عضویت سریع
آمار
وب سایت:
آمار مطالب
آمار بازدید
